الزنبق ما بيحكي الريحان...

يا الله شو هل الليله....

برد والريح عم تتمايل...

تغزل من ميلي لميلي...

تحكي قصص وإتخايل...

***

قصة عن بنت بفستان...

وشال أحمر يغمرها...

البنت بتعبد لبنان...

بس هو  حابب يعذبها...

***

وطن أشكال ألوان...

بس لا تنقي ولا تستحلي...

الزنبق ما بيحكي الريحان...

والورد بس للسله...

***

سألته والإنسان؟

يعني ما إلو كلمه...

حب أرزة من لبنان...

ليش عمتغصبو عالشتله؟

***

كرمال شو...

خطاب رنان؟

منو الكذب بتملي...

***

و كرمال مين؟

مفتي ، أو مطران؟

بدن يقتلوا المحبه...

***

وبين السوأل والجواب...

طل خيالو من بعيد...

بقلبو مخبي فيروز...

بس عظامه من حديد...

***

بإيدو حامل كتاب...

راسم في لبنان جديد...

و شمس  تضوي عالأحباب...

لتدلن على يوم العيد...

This work is licensed under a Creative Commons Attribution-NonCommercial-NoDerivs 3.0 Unported License.