صارت الساعة ٥:٥٦ صباحاً... سهرت كل الليل...
كنت قد قررت أن أعمل على أوراقي المبعثرة في ١٢:٢٠ ما بعد منتصف الليل...
قررت ويا ريتني ما قررت...
بدأت ليلتي عند التلفاز وبرفقة صديقة كانت قد وعدت أن تتركني لأوراقي...
لا بل أقسمت أن لا تلهيني عن عملي... وكلنا نعلم ما يعني هذا النوع من القسم بيننانحن جنس حواء... يعني رح نلتهي ونص وخمسي...
على كل حال... مش هيدا موضوعنا... فبينما كنت بين أوراقي والماك (ابن الأبل) بين أضلعي... والكوكا كولا دايت بين أناملي (حلوه هي أناملي)
بدأ حديث بين بين فتاتين عن مشاريع الويكند وإذا بكلمة تنطرب لها أذني ويرقص لها قلبي تقال: "إيه رح روح عل المظاهرة"...
هنا لا شعورياً زحطت من لساني كلمة "وأنا كمان"... لأني فكرت بساذجتي الوطنية المعهودة أن فتاةً إبنة ١٨ ربيعاً و تلميذة جامعية في واحدة من أهم جامعة لبنان والشرق الأوسط أكيد ستود أن تعبر عن رأيها كمواطنة لبنانية...
ومنشان ما الحديث يطول طلع أنا عم احكي عن
مسيرة العلمانيين وهي بدا تروح لتدعم مسيرة أخرى من أجل قضية أخرى تمسنا جميعاً و هي بنبل مسيرتنا (بلا ذكر أسماء)...
مسيرة العلمانيين وهي بدا تروح لتدعم مسيرة أخرى من أجل قضية أخرى تمسنا جميعاً و هي بنبل مسيرتنا (بلا ذكر أسماء)...
تكمل شابتنا الحديث لتقول: مش هي المظاهرة اللي بتصير كل أحد...(بلامبالاة)
أنا: لأ هيدي المسيرة كمان ضد الطائفيه بس الفرق إنو هل مرة رح تصير المسيرة لندعم قانون الأحوال الشخصيه وقانون حماية المرأة من العنف الأسري...
ثم فسرت وجاوبت على اسئلة من فتيات أخريات بالجلسه...
وبينما أنا في عز عطائي الإجتماعي والسياسي... ترميني شابتنا بكلمات باردة: "أنا مش علمانيه بس إنو إذا المسيرة كرمال هيك شي مهم كتير منيح"
صدى أول ٣ كلمات يصرعني و يرن في رأسي...ما تفهموني غلط؛ لست ساذجة إلى حد انني لا أدرك أن هناك في لبنان من لا يؤمن بالعلمانية...
و أبسط حقوق المرء أن يدعم من يريد ويتظاهر مع من يريد وأن نحترم جميعنا هذه الحرية في التعبير
ولكنها تستمر بحديثها القاتل...كلماتها تسحب الهواء من الغرفة... تحدثني عن إسرائيل وعن كيف أن هذا هو أفضل وقت للمحاربة (شي كتير حلو)
ثم تحدثني كيف أن إسرائيل تعرف أنها لا تستطيع هزيمتنا...
أسأل من أنتم... تجيب: لا أعرف شو توجهاتك السياسيه بس إنو... (كمان بلا ذكر أسماء... الجهل نعمه ساعات)
ثم تحدثني عن الوضع في البلد وكيف أن الفريق الأخر ما بدو يعمل حكومي وأن الوحيدين اللي تضرروا من أخر حرب خضناها "هني" بينما نحن رجعنا متل ما كنا وأحسن
لا أعرف من "هني" فأسأل: مش لبنانين اللي تضرروا... تقول "مبلا" ولكن تقولوها وشفاهها مقلوبة وكأنهم لبنانيي تقليد مش أصلي...
تكمل: "ما بعرف انتي شو رأيك بس إنو ليش هني ما بغيروا... ليش نحن بدنا نغير...ليش نحنا بدنا نعمل هيك... و ليش هني ما بيعملوا هيك..."
أنا أنظر إليها... ودمي يغلي ... لا يغلي دمي لأنها مع فريقٍ ضد فريق بل يغلي دمي لأن إبنة ال ١٨ ربيعاً قد سرقت وهي لا تدري... خدعت وهي تظن أن ما تعرفه هو الحقيقة...
سرقوا منها وطناً واستبدلوه بفريق...
افهموها أن اللبنانين عددهم بعدد من ينتمي إلى "نحنا" ولا ينتمي إلا "هني"...
سهرت كل الليل... مش من ورا الكافيان اللي بالكوكا كولا دايت كما ظننت بس من ورا شعوري بالقهر...
هني و هودي وهوديك وهم وهودوليك... يقهرونني بشكلٍ يومي ...
لقدزرعوا الكره فينا... وإتفقو علينا... واكلونا الضرب تلو الضرب... وكلو بهون...
لكن أن يعشعشوا في عقل الربيع... أن يتكاثر خبثهم وحقدهم في قلب الربيع... فهذا ما لا يستطيع قلبي أن يحتمله...
لطالما كان يزعجني لامبالاة ولاد ال ١٨ بما يجري... كان يستفزني جهلهم...
ولكني كنت اتقبله.. أفهمه.. لم يعايشوا ما عايشه من سبقهم من لبناني الحرب...
أنا لم أعايش الحرب أيضاً وكنت أشعر أحياناً أنه لا حق لنا بأن نجرجرهم إلى القرف اليومي الناتج من وراهم... حرام خلين مبسوطين...
بس طلع إنو القرف بدأ يسكن فيهم... فوجٌ آخر من لبناني ال ١٨ يخدع ...يسرق... يحول جينياً إلى ببغاءات تفرقة...
إلى الات تسجيل تلفظ الكره... تبزقه في وجوهنا... تمرغ أرواحنا لا بألحان فيروز "خدني إزرعني بأرض لبنان"
بل بأناشيد الكذبة الكبرى "هني" و "نحنا"...
الساعة ٦:٠٣ صباحاً... المؤامرة تطبق على خناقنا.. مع كل دقيقة...
النعاس يكتم أنفاس عيوني... أحلم بتاريخ إستقلال جديد...أحلم ب ١٥ ايار...
This work is licensed under a Creative Commons Attribution-NonCommercial-NoDerivs 3.0 Unported License.
Well said Amal. What is sad that it's not only happ in Lebanon, illi ilmafrood hommeh atfal il7ijara, ilfalastinyyeh, are being dragged to the same ambush. Hopefully we will pass this and I pray for Lebanon to get united too.
ReplyDelete100% right Amal...you are talking about 18 years old...you have to meet some of the 12 and 14 years old I met during my last visit to Lebanon....same issue...the hate you see filling their hearts toward "henne" is shameful walla....wein serna...
ReplyDeleteAnd I wonder what is our role ne7na, our generation who survived the war...We have to do something...we have to wake them up or else the history will repeat itself soon...